LAPURREKETA 2013

KAIXO GUZTIOI!

Urriaren 17-18an LAPURREKETA BASERRI ESKOLAN egon ginen 2.mailakoak. Gure lehenengo irteera izan da gaua kanpoan pasatzen eta oso pozik etorri gara denok.Egonaldian hainbat ekintza burutu ditugu: errezetarekin erroskilak eta ogia egin, ortuan aritu, bertako animaliak ezagutu, mendi irteera, eta....gauean DISKOTEKA!!

Oso esperientzia polita iruditu zaigu eta lagunekin primeran pasatzeko aukera bikaina izan da. Eguraldia ere gure alde egon da eta hemen dituzue irudi batzuk:

....argazki politak, ezta? Jarraian gehiago...

Espero dugu gustatu izatea eta... GORA LAPURREKETA!!

GETARIARA IRTEERA

Ekainak 6, ostegunean kurtso bukaerako irteera egin genuen Getariara.San Antonera igo ginen, Elkanori bisita egin genion eta ondoren San Prudentziora abiatu ginen bazkaltzeko eta izozki eder bat jateko. Eguraldiak lagundu zigunez oso ondo pasa genuen. Hemen dituzue irudi batzuk:

OIASSO MUSEORA BISITALDIA

Greziatik Erromara bidaia egin ondoren, Irungo Oiasso museoa bisitatzera joan ginen maiatzak 10 ostiralean. Bertan hainbat ekintza egin genituen:  erromatarren bizimodua nolakoa zen ikusi  bideo baten bidez, garai hartako hainbat jolasetara jolastu, mozorrotu eta museoan arkeologoek aurkitutako aztarnak behatu.
Guzti honekin batera bazkaltzeko ondoko parkera joan ginen eta berehala bueltatzeko ordua iritsi zitzaigun. Egun polita igaro genuen eguraldia lagun izan genuela. Honen adierazle ondoko irudiak:

GAUR BE EUSKARAZ!

HIRUHILEKO BERRIAREKIN HASI GARA ETA " GAUR BE EUSKARAZ" EGUN BEREZIA ANTOLATU DUGU. EUSKERAREN ALDE EGITEKO HAINBAT EKINTZA BURUTU DITUGU: LIBURUTEGIAN IPUINAK ENTZUN, MUSIKA GELAN ABESTIAK ABESTU, PATIOAN JOLASETAN ARITU ETA ARRATSALDEAN FILMA DIBERTIGARRI BAT IKUSI " LAGUNDU! ARRAINA NAIZ".

INDARBERRITUTA ETORRI GARENEZ GUSTORA EGON GARA EKINTZETAN PARTE HARTZEN. HORREN ADIERAZGARRI HEMEN DITUZUE IRUDI BATZUK:

ELUR MALUTAK GELDITU BARIK!!

GAUR PAISAIA IKUSGARRIA  IZAN DUGU. ITURBURU ETA INGURUKO BAZTER GUZTIAK ZURI-ZURI EGON DIRA. EZIN IZAN DIOGU TENTAZIOARI EUTSI ETA ARGAZKIAK ATERA ETA ATERA IBILI GARA.
IKUSI ONDO JARRAIAN DITUZUEN IRUDIAK PENA MEREZI DU ETA!!!

FUTBOLARIAK MOGEL ISASIN!!

Aupa guztioi!

Atzo otsailaren 25a, egun berezia izan genuen. Elurra zela eta ezin izan genuen Iturburura igo eta Mogel Isasin geratu ginen. Oso pozik egon ginen " handien eskolan". Ikastetxez aldatzeaz gain, bisita interesgarri bat  ere izan genuen. Ba al dakizue nortzuk etorri ziren??Eibar futbol taldeko jokalariak. Aldez aurretik prestatu genituen galderak egin genizkien eta oso jator erantzun ziguten.

Bide batez, eskolako eremu batzuk ere ezagutu genituen: musika gela, soinketa gela etab. Hona hemen irudi batzuk:

 

AUPA EIBAR..!!

ARATOSTEAK 2013

KAIXO, GUZTIOI:

URTERO BEZALA IRITSI ZAIZKIGU 2013KO ARATOSTEAK. AURTEN LEHENENGO ZIKLOKOAK KASKAROTAZ MOZORROTU GARA ETA NAHIZ ETA EGURALDIAK EZ DIGUN ASKO LAGUNGU, UMORE ETA ILUSIOZ ATERA GARA.

ASTEARTEAN ALDIZ, BAKOITZAK NAHI DUEN MOZORROA AUKERATU ETA GELAN POZIK  ELKARTU GARA MOTA GUZTIETAKO MOZORROEKIN : MARIO BROS, INDIO, FRANKIE, PINGUINO, LEHOIA, HIPPIE, BAKERO,...

EKINTZA UGARI EGIN DITUGU: ARETOAN EUSKARAREN ERABILERA BULTZATZEKO PUZLE BAT MARGOTUTA ERAMAN , ARRATSALDEAN JOLASAK, BIDEO IKUSKIZUNA ETA AMAITZEKO.... TXOKOLATE ETA  BISKOTXO GOXOAK DASTATZEKO BETA IZAN DUGU. PRIMERAKO EGUNA IZAN DA!!!! HEMEN DITUZUE IRUDI BATZUK.
ESPERO ZUEN GUSTOKOA IZATEA.

EKAINBERRI 2012-2013

OTSAILAK 1 OSTIRALEAN ,GURE LEHENENGO IRTEERA IZAN GENUEN EKAINBERRIRA. BERTAN MARGOKETA TAILERREAN, ZEIN ARTISTAK GAREN ERAKUTSI AHAL IZAN GENUEN EGINDAKO MARRAZKIEN BIDEZ. ONDOREN KOBAZULORA SARTZEKO UNEA IRITSI ZEN ETA.... BATZUK BELDUR PIXKAT PASA ZUTEN. ESKERRAK ANDEREÑOAK LINTERNA BAT ZERAMAN POLTSIKOAN.

 JARRAIAN ERAKUSKETA ARETOAN EZKUTATURIKO ANIMALIAK TOPATZEN ARITU GINEN, BAITA ORDENAGAILUKO JOLAS BATEAN ONDO PASATU ERE. UFFF....!! HAINBESTE BISONTE, HARTZ, BASAHUNTZ ETA OREIN IKUSI ONDOREN, EDERKI BAZKADU GENUEN ZELAIAN.

BUKATZEKO ZESTOAKO PARKEAN ARITU GINEN GUSTORA JOLASEAN. ESKERRAK EGURALDI ONAK LAGUNDU GINTUEN. PRIMERAN IBILI GINEN!

GAUR BE EUSKARAZ 2013

Urte berrian sartu gara eta ikastolako lehenengo egunean pozik jardun gara euskaraz jolasean. " Gaur be euskaraz" lemapean ekintza ugari izan ditugu: ipuina entzun eta ilustrazio  bat egin liburutegian, abestiak entzun, 5.mailakoekin jolasak egin etab.
Gabon opor ostean gustora elkartu gara lagunekin Olentzeroren opariez hitz egiteko, gai berriarekin hasteko... Beraz, disfrutatzeko beta izan dugunez zuei agertarazi nahi dizuegu irudi hauen bidez.